കാലിക്കറ്റ് സർവ്വകലാശാലയുടെ കീഴിലുള്ള തൃശൂർ അരണാട്ടുകര ഡോ. ജോൺ മത്തായി സെൻ്ററിലെ മെൻസ് ഹോസ്റ്റലിലേക്ക് ഒഴിവുകൾ റിപ്പോർട്ട് ചെയ്തിട്ടുണ്ട്. പ്രാദേശിക നിവാസികളായ ഉദ്യോഗാർത്ഥികളിൽ നിന്നുമാണ് അപേക്ഷ ക്ഷണിക്കുന്നത്.ഈ വിജ്ഞാപനത്തിന്റെ പ്രധാന വിവരങ്ങൾ താഴെ നൽകുന്നു:
ഒഴിവ് വിവരങ്ങൾ
- തസ്തികയുടെ പേര്: ഫുൾ ടൈം സ്വീപ്പർ (ദിവസവേതനം – താൽക്കാലിക നിയമനം)
- യോഗ്യത: മലയാളം വായിക്കാനും എഴുതാനുമുള്ള കഴിവ്
- പ്രായപരിധി: 01.01.2026-ൽ 40 വയസ്സ് കവിയരുത്. (എസ്.സി / എസ്.ടി / ഒ.ബി.സി വിഭാഗക്കാർക്കും മുൻപ് സർവ്വകലാശാലയിൽ ജോലി ചെയ്തവർക്കും നിയമാനുസൃതമായ വയസ്സിളവ് ലഭിക്കും).
- വേതനം: ദിവസം ₹710/- (മാസം പരമാവധി ₹19,170/-)
അപേക്ഷിക്കേണ്ട വിധം
- യോഗ്യരായ ഉദ്യോഗാർത്ഥികൾ വെള്ളക്കടലാസിൽ തയ്യാറാക്കിയ അപേക്ഷയോടൊപ്പം യോഗ്യത തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ ഉള്ളടക്കം ചെയ്ത് തപാൽ വഴിയോ നേരിട്ടോ താഴെ പറയുന്ന വിലാസത്തിൽ എത്തിക്കേണ്ടതാണ്.
- അപേക്ഷ അയക്കേണ്ട വിലാസം: ക്യാമ്പസ് ഡയറക്ടർ, ഡോ. ജോൺ മത്തായി സെൻ്റർ, കാലിക്കറ്റ് സർവ്വകലാശാല,അരണാട്ടുകര പി.ഒ, തൃശൂർ, കേരളം – 680618. ഫോൺ നമ്പർ: 0487 2384656
- അവസാന തീയതി: 15.07.2026 വൈകീട്ട് 5.00 മണി വരെ
