കേരളത്തിലെ വിവിധ ജില്ലകളിലായി ഉള്ള സർക്കാർ ഓഫീസുകളിൽ ഇപ്പോൾ വന്നിട്ടുള്ള താൽക്കാലിക സർക്കാർ ജോലി ഒഴിവുകൾ
- ക്ലീനിംഗ് സ്റ്റാഫ്
- അങ്കണവാടി ക്രഷ് ഹെൽപ്പർ
- അങ്കണവാടി ക്രഷ് വർക്കർ
- ബസ് ഡ്രൈവർ കം ക്ലീനർ
- ആയുർവേദ ഫാർമസിസ്റ്റ്
- ആയുർവേദ തെറാപ്പിസ്റ്റ്
- ക്ലർക്ക്
- ടൈപ്പിസ്റ്റ്
- ഡാറ്റാ എൻട്രി ഓപ്പറേറ്റർ
- അക്കൗണ്ടന്റ്സ്
- റിസപ്ഷനിസ്റ്റ്
- സെക്യൂരിറ്റി സൂപ്പർവൈസർ
- സെക്യൂരിറ്റി ഗാർഡ് / ലേഡി സെക്യൂരിറ്റി ഗാർഡ്
- പ്രോഗ്രാമിങ് ഫാക്കൽറ്റി
- മൾട്ടിമീഡിയ ഫാക്കൽറ്റി
- അക്കൗണ്ടിങ് ഫാക്കൽറ്റി
1. ക്ലീനിംഗ് സ്റ്റാഫ് (താത്കാലിക ഒഴിവ്)
ഇടുക്കി നെടുങ്കണ്ടം താലൂക്ക് ആശുപത്രിയിലാണ് ഈ താത്കാലിക ഒഴിവ് ഉള്ളത്. പത്താം ക്ലാസ് പാസായ 18 നും 50 നും ഇടയിൽ പ്രായമുള്ളവർക്ക് അപേക്ഷിക്കാം. നൈറ്റ് ഡ്യൂട്ടി ചെയ്യാൻ സദ്ധതയുള്ളവർ ആയിരിക്കണം. നെടുങ്കണ്ടം ബ്ലോക്ക് പഞ്ചായത്ത് പരിധിയിലെ സ്ഥിരതാമസക്കാർക്കും ആശുപത്രികളിൽ ശുചീകരണ ജോലി ചെയ്ത് പരിചയമുള്ളവർക്കും മുൻഗണന ലഭിക്കും. ദിവസ വേതനം 500 രൂപയാണ്. താല്പര്യമുള്ളവർ യോഗ്യത, പ്രായം, മേൽവിലാസം എന്നിവ തെളിയിക്കുന്ന അസൽ രേഖകളുമായി ജൂൺ 2 ന് രാവിലെ 9.30 ന് നെടുങ്കണ്ടം ബ്ലോക്ക് പഞ്ചായത്ത് കോൺഫറൻസ് ഹാളിൽ നടക്കുന്ന വാക്ക് ഇൻ ഇന്റർവ്യൂവിൽ പങ്കെടുക്കണം.
2. അങ്കണവാടി ക്രഷ് ഹെൽപ്പർ
എറണാകുളം ആലങ്ങാട് ഐ.സി.ഡി.എസ് പ്രോജക്ട് പരിധിയിലുള്ള ഏലൂർ മുനിസിപ്പാലിറ്റിയിലെ 92-ാം നമ്പർ അങ്കണവാടിയിലാണ് ഈ നിയമനം. പത്താം ക്ലാസ് പാസായ, ഏലൂർ മുനിസിപ്പാലിറ്റിയിലെ 28-ാം വാർഡിൽ സ്ഥിരതാമസക്കാരായ വനിതകൾക്ക് അപേക്ഷിക്കാം. പ്രായപരിധി 18 മുതൽ 35 വയസ്സ് വരെ (01.01.2026 ന്). അപേക്ഷകൾ ജൂൺ 6 ന് വൈകിട്ട് 5 മണിക്ക് മുൻപായി മൂപ്പത്തടം മില്ലുപടിയിൽ പ്രവർത്തിക്കുന്ന ആലങ്ങാട് ഐ.സി.ഡി.എസ് പ്രോജക്ട് ഓഫീസിൽ സമർപ്പിക്കണം. അപേക്ഷയുടെ മാതൃക ആലങ്ങാട് ഐ.സി.ഡി.എസ് ഓഫീസ്, ഏലൂർ മുനിസിപ്പൽ ഓഫീസ് എന്നിവിടങ്ങളിൽ നിന്ന് ലഭിക്കും. ഫോൺ: 99467 35290.
3. അങ്കണവാടി ക്രഷ് വർക്കർ
എറണാകുളം ആലങ്ങാട് ഐ.സി.ഡി.എസ് പ്രോജക്ട് പരിധിയിലുള്ള ഏലൂർ മുനിസിപ്പാലിറ്റിയിലെ 92-ാം നമ്പർ അങ്കണവാടിയിലാണ് ഈ ഒഴിവ്. പന്ത്രണ്ടാം ക്ലാസ് (പ്ലസ് ടു) പാസായ വനിതകൾക്കായിരിക്കും അവസരം. ഏലൂർ മുനിസിപ്പാലിറ്റിയിലെ 28-ാം വാർഡിലെ സ്ഥിരതാമസക്കാരും 18 നും 35 നും ഇടയിൽ പ്രായമുള്ളവരുമായിരിക്കണം. അപേക്ഷകൾ സമർപ്പിക്കേണ്ട അവസാന തീയതി ജൂൺ 6 വൈകിട്ട് 5 മണി വരെയാണ്. മൂപ്പത്തടം മില്ലുപടിയിലുള്ള ആലങ്ങാട് ഐ.സി.ഡി.എസ് പ്രോജക്ട് ഓഫീസിലാണ് അപേക്ഷ നൽകേണ്ടത്. ഫോൺ: 99467 35290.
4. ബസ് ഡ്രൈവർ കം ക്ലീനർ (താത്കാലിക തസ്തിക)
തിരുവനന്തപുരം നെയ്യാറ്റിൻകര ഗവ. പോളിടെക്നിക് കോളേജിലാണ് ഈ ഒഴിവ്. നിശ്ചിത ഡ്രൈവിംഗ് യോഗ്യതയുള്ള ഉദ്യോഗാർത്ഥികൾ കോളേജ് വെബ്സൈറ്റിൽ നിന്നും അപേക്ഷാ ഫോം ഡൗൺലോഡ് ചെയ്ത് പൂരിപ്പിച്ച്, സർട്ടിഫിക്കറ്റുകളുടെ പകർപ്പുകൾ സഹിതം മെയ് 25 ന് രാവിലെ 11 മണിക്ക് കോളേജിൽ നടക്കുന്ന അഭിമുഖത്തിൽ നേരിട്ട് ഹാജരാകണം. പ്രായപരിധി മെയ് 31 ന് 60 വയസ്സ് കവിയരുത്. ഫോൺ: 0471 222 2935.
5. ആയുർവേദ ഫാർമസിസ്റ്റ് & ആയുർവേദ തെറാപ്പിസ്റ്റ്
കോഴിക്കോട് നാഷണൽ ആയുഷ് മിഷനിൽ കരാർ അടിസ്ഥാനത്തിലാണ് ഈ നിയമനം നടക്കുന്നത്. നിശ്ചിത യോഗ്യതയുള്ള 40 വയസ്സ് കവിയാത്ത ഉദ്യോഗാർത്ഥികൾക്കായി മെയ് 26 ന് രാവിലെ 10 മണിക്ക് വെസ്റ്റ്ഹിൽ ഭട്ട് റോഡ് ജില്ലാ ആയുർവേദ ആശുപത്രിയിലെ പ്രോഗ്രാം മാനേജ്മെന്റ് ആൻഡ് സപ്പോർട്ട് യൂണിറ്റിൽ വെച്ച് അഭിമുഖം നടത്തുന്നു. പ്രായം, വിദ്യാഭ്യാസ യോഗ്യത എന്നിവ തെളിയിക്കുന്ന രേഖകളുടെ അസലും പകർപ്പും പാസ്പോർട്ട് സൈസ് ഫോട്ടോയും സഹിതം ഹാജരാകണം. ഫോൺ: 0495 292 321.
6. ക്ലർക്ക്, ടൈപ്പിസ്റ്റ് & ഡാറ്റാ എൻട്രി ഓപ്പറേറ്റർ (ദിവസവേതന അടിസ്ഥാനം)
മലപ്പുറം ദേശീയപാത 66 ഭൂമി ഏറ്റെടുക്കലുമായി ബന്ധപ്പെട്ട ആർബിട്രേഷൻ യൂണിറ്റിലേക്കാണ് നിയമനം. ഭൂവുടമകളുടെ പരാതികൾ സമയബന്ധിതമായി തീർപ്പാക്കുന്നതിൽ ജില്ലാ കളക്ടറെ സഹായിക്കുന്നതിനാണ് ഈ തസ്തികകൾ. പരിചയസമ്പന്നരായ ഉദ്യോഗാർത്ഥികൾ ബയോഡാറ്റയും ആവശ്യമായ രേഖകളും സഹിതം മെയ് 25 ന് വൈകിട്ട് 5 മണിക്ക് മുൻപായി ‘ഡെപ്യൂട്ടി കളക്ടർ (എൽ.എ), കളക്ടറേറ്റ്, സിവിൽ സ്റ്റേഷൻ, മലപ്പുറം 676505’ എന്ന വിലാസത്തിൽ അപേക്ഷ സമർപ്പിക്കണം. ഫോൺ: 0483 273 9581.
7. ഡാറ്റ എൻട്രി ഓപ്പറേറ്റർ (ST വിഭാഗത്തിന് മാത്രം)
ഇടുക്കി ജില്ലയിലെ പട്ടികവർഗ വികസന വകുപ്പിന് കീഴിലുള്ള തൊടുപുഴ ഐറ്റിഡി പ്രൊജക്ട് ഓഫീസ്, കട്ടപ്പന, പൂമാല, പീരുമേട്, ഇടുക്കി ട്രൈബൽ എക്സ്റ്റൻഷൻ ഓഫീസുകളിലെ സഹായി കേന്ദ്രങ്ങളിലേക്കാണ് നിയമനം. ഏതെങ്കിലും വിഷയത്തിൽ ബിരുദവും കമ്പ്യൂട്ടർ പരിജ്ഞാനവും (മലയാളം ടൈപ്പിംഗ്, ഓൺലൈൻ അപേക്ഷകൾ തയ്യാറാക്കാനുള്ള അറിവ്) ഉള്ളവർക്ക് അപേക്ഷിക്കാം. ഇടുക്കി ജില്ലയിൽ സ്ഥിരതാമസമുള്ള, വാർഷിക വരുമാനം ഒരു ലക്ഷം രൂപയിൽ താഴെയുള്ള 20-35 പ്രായക്കാരായ പട്ടികവർഗ (ST) യുവതീ യുവാക്കൾക്കായിരിക്കും അവസരം. മാനേജ്മെന്റ് ട്രെയിനിംഗ് കഴിഞ്ഞവർക്ക് മുൻഗണന ലഭിക്കും. പ്രതിമാസ ഓണറേറിയം 17,500 രൂപയാണ്. താല്പര്യമുള്ളവർ ബയോഡേറ്റയും അസൽ സർട്ടിഫിക്കറ്റുകളുമായി മെയ് 28 ന് രാവിലെ 10 മണിക്ക് തൊടുപുഴ ജില്ലാ ഐടിഡിപി ഓഫീസിൽ നടക്കുന്ന വാക്ക് ഇൻ ഇന്റർവ്യൂവിൽ പങ്കെടുക്കണം. ഫോൺ: 04862 222 399.
8. പാലക്കാട് എംപ്ലോയബിലിറ്റി സെന്റർ ജോബ് ഡ്രൈവ് (വിവിധ തസ്തികകൾ)
പാലക്കാട് ജില്ലാ എംപ്ലോയ്മെന്റ് എക്സ്ചേഞ്ച്/എംപ്ലോയബിലിറ്റി സെന്ററിന്റെ ആഭിമുഖ്യത്തിൽ മൂന്ന് സ്വകാര്യ സ്ഥാപനങ്ങളിലേക്ക് നടത്തുന്ന ജോബ് ഡ്രൈവ് ആണിത്. അക്കൗണ്ടന്റ്സ്, റിസപ്ഷനിസ്റ്റ്, സെക്യൂരിറ്റി സൂപ്പർവൈസർ, സെക്യൂരിറ്റി ഗാർഡ്/ലേഡി, പ്രോഗ്രാമിങ് ഫാക്കൽറ്റി, മൾട്ടിമീഡിയ ഫാക്കൽറ്റി, അക്കൗണ്ടിങ് ഫാക്കൽറ്റി എന്നിവയാണ് ഒഴിവുകൾ. പത്ത്, പ്ലസ് ടു, ഏതെങ്കിലും വിഷയത്തിൽ ബിരുദം, ബികോം/എം കോം വിത്ത് സാപ് (SAP), എം.സി.എ/എം.എസ്.സി കമ്പ്യൂട്ടർ സയൻസ്, ഡിസൈനിങ് കോഴ്സ് തുടങ്ങിയ വിവിധ തലങ്ങളിലുള്ള യോഗ്യതയുള്ളവർക്ക് പങ്കെടുക്കാം. എംപ്ലോയബിലിറ്റി സെന്ററിൽ പേര് രജിസ്റ്റർ ചെയ്തവർക്ക് മാത്രമാണ് അവസരം. താല്പര്യമുള്ളവർ തിരിച്ചറിയൽ രേഖയുടെ പകർപ്പും ഒറ്റത്തവണ രജിസ്ട്രേഷൻ ഫീസായ 300 രൂപയുമായി മെയ് 23 ന് രാവിലെ 10 മണിക്ക് സിവിൽ സ്റ്റേഷനിലുള്ള എംപ്ലോയബിലിറ്റി സെന്ററിൽ എത്തണം. ഫോൺ: 0491 250 5435, 0491 250 5204.
