കേരളത്തിൽ വിവിധ ജില്ലകളിലായി ഉള്ള സർക്കാർ സ്ഥാപനങ്ങളിൽ ഇപ്പോൾ വന്നിട്ടുള്ള ജോലി ഒഴിവ്
- CDS: ഓഫീസർ
- ഇ-ഹെൽത്ത് കേരള: 3 ഒഴിവ്
- NIELIT: ജൂനിയർ എൻജിനീയർ
- അസാപ് കേരളയിൽ ഇന്റേൺ
- മിൽമയിൽ മാർക്കറ്റിങ് അസിസ്റ്റന്റ്
CDS: ഓഫീസർ
- തിരുവനന്തപുരം സെന്റർ ഫോർ ഡവലപ്മെന്റ് സ്റ്റഡീസിൽ (CDS) പബ്ലിക്കേഷൻ ഓഫീസർ (കമ്മ്യൂണിക്കേഷൻ) തസ്തികയിലേക്ക് കരാർ നിയമനം നടത്തുന്നു. ഈ തസ്തികയിലേക്ക് താല്പര്യമുള്ള ഉദ്യോഗാർത്ഥികൾക്ക് സെപ്റ്റംബർ 22 വരെ അപേക്ഷിക്കാവുന്നതാണ്. യോഗ്യത, പ്രായപരിധി, ശമ്പളം തുടങ്ങിയ കൂടുതൽ വിവരങ്ങൾക്ക് www.cds.edu എന്ന ഔദ്യോഗിക വെബ്സൈറ്റ് സന്ദർശിക്കുക.
ഇ-ഹെൽത്ത് കേരള: 3 ഒഴിവ്
- ഇ-ഹെൽത്ത് കേരള പ്രോജക്ടിന് കീഴിൽ വിവിധ തസ്തികകളിലായി ആകെ 3 ഒഴിവുകളിലേക്ക് കരാർ നിയമനം നടത്തുന്നു. സീനിയർ സിസ്റ്റം അഡ്മിനിസ്ട്രേറ്റർ, സീനിയർ ഡാറ്റാബേസ് അഡ്മിനിസ്ട്രേറ്റർ, നെറ്റ്വർക്ക് അഡ്മിനിസ്ട്രേറ്റർ എന്നിവയാണ് ഒഴിവുള്ള തസ്തികകൾ. താല്പര്യമുള്ളവർക്ക് ഓഗസ്റ്റ് 25 വരെ ehealth@kerala.gov.in എന്ന ഇ-മെയിൽ വിലാസത്തിലേക്ക് അപേക്ഷ അയക്കാവുന്നതാണ്. യോഗ്യത, പ്രായപരിധി, ശമ്പളം എന്നിവ സംബന്ധിച്ച കൂടുതൽ വിശദവിവരങ്ങൾ http://health.kerala.gov.in/careers എന്ന വെബ്സൈറ്റിൽ ലഭ്യമാണ്.
NIELIT: ജൂനിയർ എൻജിനീയർ
- കോഴിക്കോട്ടെ നാഷണൽ ഇൻസ്റ്റിറ്റ്യൂട്ട് ഓഫ് ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജിയിൽ (NIELIT) ജൂനിയർ എൻജിനീയറുടെ (സിവിൽ) ഒരു ഒഴിവുണ്ട്. ഒരു വർഷത്തെ കരാർ അടിസ്ഥാനത്തിലാണ് നിയമനം. അഭിമുഖം (Interview) ഓഗസ്റ്റ് 17 രാവിലെ 9 മണിക്ക് നടക്കും. കുറഞ്ഞത് 50% മാർക്കോടെ സിവിൽ എൻജിനീയറിങ്ങിൽ 3 വർഷ ഡിപ്ലോമ പൂർത്തിയാക്കിയവർക്ക് പങ്കെടുക്കാം. പ്രായപരിധി 40 വയസ്സാണ്. മാസം 25,000 രൂപ മുതൽ 30,000 രൂപ വരെയാണ് ശമ്പളം. കൂടുതൽ വിവരങ്ങൾക്ക് http://nielit.gov.in/calicut എന്ന വെബ്സൈറ്റ് സന്ദർശിക്കുക.
അസാപ് കേരളയിൽ ഇന്റേൺ
- അഡിഷണൽ സ്കിൽ അക്വിസിഷൻ പ്രോഗ്രാം കേരളയുടെ (അസാപ് കേരള) പെരുമ്പാവൂർ കമ്മ്യൂണിറ്റി സ്കിൽ പാർക്കിൽ ഗ്രാജുവേറ്റ് ഇന്റേണിന്റെ ഒരു ഒഴിവിലേക്ക് അപേക്ഷ ക്ഷണിക്കുന്നു. ഓൺലൈനായി അപേക്ഷിക്കാനുള്ള അവസാന തീയതി ഓഗസ്റ്റ് 12 ആണ്. ഇന്റർവ്യൂ ഓഗസ്റ്റ് 14-ന് നടക്കും. ഏതെങ്കിലും വിഷയത്തിൽ ബിരുദമുള്ളവർക്ക് അപേക്ഷിക്കാം. പ്രായപരിധി 28 വയസ്സാണ്. മാസം 12,500 രൂപ ശമ്പളം ലഭിക്കും. അപേക്ഷകൾ സമർപ്പിക്കാൻ www.asapkerala.gov.in എന്ന വെബ്സൈറ്റ് സന്ദർശിക്കുക.
മിൽമയിൽ മാർക്കറ്റിങ് അസിസ്റ്റന്റ്
- മിൽമ കൊല്ലം ഡെയറിയിൽ മാർക്കറ്റിങ് അസിസ്റ്റന്റിന്റെ ഒരു ഒഴിവിലേക്ക് കരാർ അടിസ്ഥാനത്തിൽ നിയമനം നടത്തുന്നു. അഭിമുഖം ഓഗസ്റ്റ് 11 രാവിലെ 10 മണിക്ക് കൊല്ലം ഡെയറി കോണ്ഫറൻസ് ഹാളിൽ വച്ച് നടക്കും. അംഗീകൃത ബിരുദവും മാർക്കറ്റിങ് രംഗത്ത് 2 വർഷത്തെ പ്രവൃത്തിപരിചയവുമാണ് യോഗ്യത. തിരുവനന്തപുരം മേഖല സഹകരണ ക്ഷീരോല്പാദക യൂണിയന്റെ ഏതെങ്കിലും യൂണിറ്റിൽ 2 വർഷത്തിൽ കൂടുതൽ ജോലി ചെയ്തിട്ടുള്ളവർ അപേക്ഷിക്കേണ്ടതില്ല. മാസം 23,000 രൂപ ശമ്പളമായി ലഭിക്കും. പ്രായപരിധി: 01.01.2026-ൽ 18 മുതൽ 40 വയസ്സ് വരെ (അർഹരായവർക്ക് ഇളവുകൾ ലഭിക്കും). സംശയങ്ങൾക്ക് 0474-2794556 എന്ന നമ്പറിൽ ബന്ധപ്പെടാവുന്നതാണ്. കൂടുതൽ വിവരങ്ങൾക്ക് www.milmatrcmpu.com സന്ദർശിക്കുക.
