കേരളത്തിലെ വിവിധ സർക്കാർ സ്ഥാപനങ്ങൾ, ആരോഗ്യ കേന്ദ്രങ്ങൾ, മെഡിക്കൽ കോളേജുകൾ എന്നിവിടങ്ങളിൽ നിലവിലുള്ള ഏറ്റവും പുതിയ താൽക്കാലിക, കരാർ തൊഴിലവസരങ്ങളിലേക്ക് അപേക്ഷ ക്ഷണിച്ചു;

ആശാവർക്കർ നിയമനം

• ​കോടിക്കുളം ഗ്രാമപഞ്ചായത്തിലെ പുതുതായി രൂപീകരിച്ച പത്താം വാർഡിലേക്ക് (അഞ്ചക്കുളം) ആശാവർക്കറെ നിയമിക്കുന്നു. പത്താം ക്ലാസ് പാസായ, പത്താം വാർഡിൽ സ്ഥിരതാമസക്കാരായ വിവാഹിതരായ വനിതകൾക്കാണ് അവസരം. 25 മുതൽ 45 വയസ്സ് വരെയാണ് പ്രായപരിധി. എഴുത്തുപരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് തെരഞ്ഞെടുപ്പ്. അപേക്ഷാഫോം കോടിക്കുളം കുടുംബാരോഗ്യ കേന്ദ്രത്തിൽ ലഭിക്കും. പൂരിപ്പിച്ച അപേക്ഷകൾ സെപ്റ്റംബർ 28-നകം സമർപ്പിക്കണം. ഫോൺ: 9497277107.
  ​

വിമൻ ഫെസിലിറ്റേറ്റർ

• ​കോട്ടയം ജില്ലാ പഞ്ചായത്ത് പദ്ധതിയുടെ ഭാഗമായി ജില്ലാതല കമ്മ്യൂണിറ്റി വിമൻ ഫെസിലിറ്റേറ്ററെ കരാർ അടിസ്ഥാനത്തിൽ നിയമിക്കുന്നു. കോട്ടയം ജില്ലയിൽ സ്ഥിരതാമസക്കാരായ വനിതകളിൽ നിന്നാണ് അപേക്ഷ ക്ഷണിച്ചിരിക്കുന്നത്. വിമൻ സ്റ്റഡീസ്, ജൻഡർ സ്റ്റഡീസ്, സോഷ്യൽവർക്ക് (MSW), സോഷ്യോളജി എന്നിവയിൽ ഏതിലെങ്കിലും ബിരുദാനന്തര ബിരുദവും 22-നും 45-നും ഇടയിൽ പ്രായവുമുള്ളവർക്ക് അപേക്ഷിക്കാം. താല്പര്യമുള്ളവർ സെപ്റ്റംബർ 25-ന് മുൻപായി ജില്ലാ വനിതാശിശുവികസന ഓഫീസിൽ അപേക്ഷ എത്തിക്കണം. ഫോൺ: 0481-256272.
  ​

ജൂനിയർ പബ്ലിക് ഹെൽത്ത് നഴ്‌സ്

• ​ചാത്തല്ലൂർ കുടുംബാരോഗ്യ കേന്ദ്രത്തിൽ ജൂനിയർ പബ്ലിക് ഹെൽത്ത് നഴ്‌സ് തസ്തികയിൽ താൽക്കാലിക നിയമനം നടത്തുന്നു. സർക്കാർ അംഗീകൃത എ.എൻ.എം (ANM) കോഴ്‌സ് സർട്ടിഫിക്കറ്റും കേരള നഴ്‌സസ് ആൻഡ് മിഡ്‌വൈവ്‌സ് കൗൺസിൽ രജിസ്‌ട്രേഷനുമുള്ള ഉദ്യോഗാർത്ഥികൾക്ക് പങ്കെടുക്കാം. പ്രവൃത്തിപരിചയമുള്ളവർക്ക് മുൻഗണനയുണ്ട്. താല്പര്യമുള്ളവർ സർട്ടിഫിക്കറ്റുകളുടെ അസ്സലും പകർപ്പുകളുമായി സെപ്റ്റംബർ 24-ന് രാവിലെ 11 മണിക്ക് ചാത്തല്ലൂർ കുടുംബാരോഗ്യ കേന്ദ്രത്തിൽ നടക്കുന്ന അഭിമുഖത്തിൽ പങ്കെടുക്കുക. ഫോൺ: 9539363380.
  ​

ഡാറ്റാ എൻട്രി ഓപ്പറേറ്റർ

• ​തിരുവനന്തപുരം സർക്കാർ മെഡിക്കൽ കോളേജിലെ ഡാറ്റാ എൻട്രി ഓപ്പറേറ്റർ തസ്തികയിലേക്ക് കരാർ അടിസ്ഥാനത്തിൽ നിയമനം നടത്തുന്നു. പ്ലസ്ടു അല്ലെങ്കിൽ പി.ഡി.സിയും ആറുമാസത്തെ ഡാറ്റാ എൻട്രി ഓപ്പറേറ്റർ കോഴ്‌സ് യോഗ്യതയുമുള്ളവർക്കാണ് അവസരം. ഉദ്യോഗാർത്ഥികൾ സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകൾ സഹിതം സെപ്റ്റംബർ 23-ന് രാവിലെ 11 മണിക്ക് മെഡിക്കൽ കോളേജ് പ്രിൻസിപ്പാളിന്റെ കാര്യാലയത്തിൽ നേരിട്ട് ഹാജരാകണം.
  ​

പ്രോജക്ട് ടെക്‌നിക്കൽ സപ്പോർട്ട് I

• ​തിരുവനന്തപുരം സർക്കാർ മെഡിക്കൽ കോളേജിൽ ആരംഭിക്കുന്ന പുതിയ ഗവേഷണ പദ്ധതിയിലേക്ക് പ്രോജക്ട് ടെക്‌നിക്കൽ സപ്പോർട്ട് I തസ്തികയിൽ കരാർ നിയമനം നടത്തുന്നു. എം.എൽ.ടി / ഡി.എം.എൽ.ടിയും 2 വർഷത്തെ പ്രവൃത്തിപരിചയവും, അല്ലെങ്കിൽ ലൈഫ് സയൻസ് മൂന്നുവർഷ ബിരുദവും ഒരു വർഷത്തെ പ്രവൃത്തിപരിചയവുമാണ് യോഗ്യത. താല്പര്യമുള്ളവർ സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകളുമായി സെപ്റ്റംബർ 22-ന് രാവിലെ 11 മണിക്ക് പ്രിൻസിപ്പാളിന്റെ കാര്യാലയത്തിൽ നടക്കുന്ന അഭിമുഖത്തിന് ഹാജരാകണം.
  ​

വെറ്ററിനറി – MSU PG Vet

• ​പത്തനംതിട്ട ജില്ലയിലെ സർക്കാർ സ്ഥാപനത്തിൽ എം.എസ്.യു പി.ജി വെറ്റ് തസ്തികയിൽ താൽക്കാലിക ഒഴിവുണ്ട്. പ്രതിമാസം 61,000 രൂപയാണ് ശമ്പളം. എം.വി.എസ്.സി (സർജറി/മറ്റ് വിഷയം) അല്ലെങ്കിൽ സർജറി പരിശീലന സർട്ടിഫിക്കറ്റോടുകൂടിയ ബി.വി.എസ്.സി & എ.എച്ച്, കെ.എസ്.വി.സി രജിസ്‌ട്രേഷൻ, മലയാള പരിജ്ഞാനം, എൽ.എം.വി ലൈസൻസ് എന്നിവയാണ് യോഗ്യതകൾ. 2026 ജനുവരി 1-ന് 41 വയസ്സ് കവിയരുത്. യോഗ്യരായവർ സെപ്റ്റംബർ 22-നകം അസൽ സർട്ടിഫിക്കറ്റുകളുമായി ബന്ധപ്പെട്ട ജില്ലാ എംപ്ലോയ്മെന്റ് എക്‌സ്‌ചേഞ്ചിൽ നേരിട്ട് ഹാജരാകണം.
  ​

ഇൻഫർമേഷൻ കം റിസർച്ച് ഓഫീസർ

• ​ന്യൂനപക്ഷക്ഷേമ ഡയറക്ടറേറ്റിൽ (വികാസ് ഭവൻ, തിരുവനന്തപുരം) ഇൻഫർമേഷൻ കം റിസർച്ച് ഓഫീസർ നിയമനം നടത്തുന്നു. എം.ബി.എ അല്ലെങ്കിൽ ബിരുദാനന്തര ബിരുദവും 5 വർഷത്തെ പ്രവൃത്തിപരിചയവുമാണ് യോഗ്യത. ഉദ്യോഗാർത്ഥികൾ സർട്ടിഫിക്കറ്റുകളും പകർപ്പുകളുമായി സെപ്റ്റംബർ 18-ന് ഉച്ചയ്ക്ക് 2 മണിക്ക് വികാസ് ഭവൻ നാലാം നിലയിലെ ഫിഷറീസ് വകുപ്പ് കോൺഫറൻസ് ഹാളിൽ നടക്കുന്ന വാക്ക്-ഇൻ ഇന്റർവ്യൂവിന് ഹാജരാകണം. വിവരങ്ങൾക്ക്: mwdscholarship.kerala.gov.in.
  ​

റിസർച്ച് നഴ്സ് കം സൈറ്റ് കോർഡിനേറ്റർ / പ്രോജക്ട് നഴ്‌സ് II

• ​തിരുവനന്തപുരം സർക്കാർ മെഡിക്കൽ കോളേജിലെ കമ്മ്യൂണിറ്റി മെഡിസിൻ വിഭാഗത്തിലെ ഗവേഷണ പദ്ധതിയിലേക്ക് കരാർ നിയമനം നടത്തുന്നു. ബി.എസ്.സി നഴ്സിങ് അല്ലെങ്കിൽ ജനറൽ നഴ്‌സിങ് ആൻഡ് മിഡ്‌വൈഫറിയും സ്റ്റേറ്റ് നഴ്‌സിങ് കൗൺസിൽ രജിസ്‌ട്രേഷനും പ്രവൃത്തിപരിചയവുമാണ് യോഗ്യത. താല്പര്യമുള്ളവർ സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകളുമായി സെപ്റ്റംബർ 18-ന് രാവിലെ 11 മണിക്ക് പ്രിൻസിപ്പാളിന്റെ കാര്യാലയത്തിൽ ഹാജരാകണം.