കേരള പി എസ് സി അടുത്തിടെ വിളിച്ച ഇന്ത്യൻ റിസർവ് ബറ്റാലിയൻ (IRB) കമാൻഡോ വിങ് എൻഡ്യൂറൻസ് ടെസ്റ്റ് നടത്തുന്നു
2022 മെയ് മൂന്നിന് വിളിച്ച കാറ്റഗറി നമ്പർ 136/2022 പ്രകാരം ഉള്ള സ്പെഷ്യൽ വിജ്ഞാപനത്തിൽ അപേക്ഷ നൽകിയിട്ടുള്ള ഉദ്യോഗാർഥികൾക്ക് ആണ് എൻഡ്യൂറൻസ് ടെസ്റ്റ് നടത്തുന്നത്. മിനിമം പത്താംക്ലാസ് വിജയിച്ച 18 വയസ്സിനും 22 വയസ്സിനും ഇടയിൽ പ്രായമുള്ളവർക്കാണ് അപേക്ഷ നൽകുവാൻ അവസരം ഉണ്ടായിരുന്നത്
പോലീസ് വകുപ്പിലെ പോലീസ് കോൺസ്റ്റബിൾ ( IRB Commando wing ) ( Cat.No.136 / 2022 ) തസ്തികയിലേയ്ക്ക് അപേക്ഷ സമർപ്പിച്ച ഉദ്യോഗാർത്ഥികൾക്കായുള്ള എറൻസ് ടെസ്റ്റ് ( Running 5 Km in 25 minutes ) 05.07.2022 തീയതി രാവിലെ 5.00 മണി മുതൽ എല്ലാ ജില്ലകളിലും വച്ച് ആരംഭിക്കുന്നതിന് സ്പെഷ്യൽ സെലക്ഷൻ ബോർഡ് തീരുമാനിച്ചിട്ടുണ്ട് . ഉദ്യോഗാർത്ഥികൾ തങ്ങളുടെ പ്രൊഫൈലിൽ ലഭ്യമാക്കിയിട്ടുള്ള അഡ്മിഷൻ ടിക്കറ്റ് , ഒർജിനൽ ID Card , ഫിസിക്കൽ ഫിറ്റ്നസ് സർട്ടിഫിക്കറ്റ് ( attached to Admission Ticket ) എന്നിവ സഹിതം രാവിലെ 5.00 – ന് മുമ്പായി തന്നെ Admission Ticket- ൽ നിർദ്ദേശിച്ചിരിക്കുന്ന സ്ഥലത്ത് എത്തിച്ചേരേണ്ടതാണ് . നിശ്ചിത സമയത്തിന് ശേഷം ( 5.00 am ) എത്തുന്ന ഉദ്യോഗാർത്ഥികളെ യാതൊരു കാരണവശാലും എൻറൻസ് ടെസ്റ്റിൽ പങ്കെടുപ്പിക്കുന്നതല്ല . പരീക്ഷാ കേന്ദ്രങ്ങളുടെ മാറ്റം , തീയതി / സമയം മാറ്റം എന്നിവ യാതൊരു കാരണവശാലും അനുവദിക്കുന്നതല്ല . ഉദ്യോഗാർത്ഥികൾക്കുള്ള അഡ്മിഷൻ ടിക്കറ്റുകൾ 20.06.2022 തീയതിയ്ക്ക് ശേഷം പ്രൊഫൈലിൽ ലഭ്യമാക്കുന്നതാണ് . ഫിറ്റ്നസ് സർട്ടിഫിക്കറ്റിന്റെ മാതൃക PSC വെബ് സൈറ്റിലും ലഭ്യമാണ് .
